Нов GTS модел од Porsche: спортскиот Macan
Porsche ја комплетира серијата Macan со вистински спортски модел. Новиот Macan GTS се лансира со моќен мотор, шасија ориентирана кон перформанси, карактеристичен дизајн и подобрена опрема. 2,9-литарскиот V6 битурбо мотор испорачува 280 kW (380 КС) – пораст од 15 kW (20 КС) во споредба со претходниот модел. Во комбинација со ново адаптираниот PDK менувач со двојна спојка и изборниот пакет Sport Chrono, Macan GTS може да забрза од нула до 100 км на час за 4,7 секунди, три десетини побрзо од порано, а исто така и максималната брзина е сега најголема на 261 км на час.
Меѓу другото, новиот член на компактното SUV семејство на Porsche ја заработи кратенката GTS, која значи „Gran Turismo Sport“, поради извонредната динамика на возење. Системот за контрола на амортизацијата Porsche Active Suspension Management (PASM) е специјално подесен. Шасијата исто така е спуштена за 15 милиметри за поголема странична динамика. Адаптивната воздушна суспензија е достапна за спуштање на шасијата за дополнителни 10 милиметри. Во комбинација со стандардните тркала од 20 инчи RS Spyder Design и сопирачките со големина од 360 x 36 милиметри нанапред, 330 x 22 милиметри на задниот дел, новиот Macan GTS импресионира со агилност и респонзивност на вистински спортски автомобил. Како опција, забавувањето може дополнително да се подобри со помош на Porsche Surface-обложената сопирачка (PSCB) со облога од волфрам карбид или Porsche керамички композитни сопирачки (PCCB).
Стандардниот спортски издувен систем е специјално прилагоден на GTS и го потенцира задоволството при возењето во новиот Macan. 2,9-литарскиот V6 мотор е во срцето на звучното искуство. Неговата моќност се должи на два турбополначи поставени во внатрешноста на моторот, во самото спојување на цилиндрите во форма на V, што овозможува особено директна реакција. Максималниот вртежен момент од 520 Nm е достапен преку широк опсег од 1.750 до 5.000 вртежи во минута.
Индивидуален дизајн со црни акценти
Новиот Macan GTS визуелно го потенцира и неговиот исклучителен спортски карактер. Стандардниот пакет Sport Design со нови детали во предниот и задниот дел и впечатливи странични елементи му даваат на автомобилот карактеристичен изглед. Предниот дел се карактеризира со црно обоени елементи – карактеристика на сите модели на Porsche GTS. LED-фаровите со Porsche Dynamic Light System (PDLS) и тродимензионалните задни светла со LED се исто така затемнети. LED предните светла може по желба да се нарачаат во црна боја со PDLS Plus. Спуштањето на шасијата за 15 милиметри, тркалата од 20 инчи RS Spyder Design во сјајно црна боја, црвените шепи за сопирачките и дополнителни елементи со црна боја со висок сјај исто така го истакнуваат изгледот со високи перформанси. Црната боја, исто така, поставува акценти на задниот дел: овде, дифузерот и задните цевки на стандардниот спортски издувен систем се обоени во оваа боја.
Спортски седишта ексклузивни на GTS и врвните материјали
Висококвалитетните материјали како што се Alcantara® на централните делови на седиштата, потпирачите за средишната конзола и панелите на вратите, како и деталиоте од алуминиум овозможуваат да ги видите и почувствуваат спортските и елегантните карактеристики на Macan GTS во внатрешноста. Мултифункционалниот спортски управувач со раб на воланот во мазна кожа и педали за менувачот доаѓаат стандардно, како и спортските седишта, ексклузивни за GTS, со осумнасочно прилагодување и изразени странични засилувачи за стабилна поддршка при динамичкото свиткување. Ентериерот е со кожен тапацир GTS во Carmine Red или Crayon со дополнителни одлики на Alcantara и акценти на боја, системот BOSE® Surround Sound и новата пакетот за паметни телефони со функција на индуктивно полнење се меѓу многуте опции за персонализација.
