McLaren ELVA!
McLaren го претстави Elva, најновиот член на Ultimate Series семејството, чии членови се најспектакуларните модели на британскиот производител. Изработен претежно од јаглеродни влакна, новиот модел е најлесниот производ во историјата на McLaren, но точната тежина сѐ уште не е објавена.
Малата тежина, во комбинација со V8 мотор со запремнина од 4.0 литри и моќност од 815 коњски сили, му дава на овој болид можност до 100 километри на час да стигне за помалку од 3 секунди, а до 200 за 6,7. Максималната брзина сѐ уште не е објавена, но земајќи во предвид дека возилото нема шофершајбна, ограничувањето на брзината ќе го диктира издржливоста на лицето на возачот а не техничките спецификации на возилото.
Производството ќе биде ограничено на само 399 примероци, а цената ќе биде 1.690.000 американски долари. Иако теоретски ќе се продава низ целиот свет, овие два податоци наговестуваат дека Elva нема да биде виден на македонските улици.
